Tónsmiðja Suðurlands

Fyrsta æfing vetrarins verður nk. þriðjudag 14. september. Nánari upplýsingar koma síðar
Kv.
Stefán

Senda á Facebook

Æfa sig

Senda á Facebook

Nú er að hefjast nýtt skólaár í starfi Tónsmiðju Suðurlands. Fyrirtækið hefur verið starfrækt frá árinu 2004 og að eftirspurninni að dæma er ljóst að sunnlendinga þyrstir í tónlistarnám og eru ánægðir með að hafa val um fleiri en eina námsleið að settu marki. Sveitarfélagið Árborg, Ásahreppur, Rangárþing eystra og Skeiða- og Gnúpverjahreppur hafa undanfarin tvö ár verið í samstarfi við Tónsmiðju Suðurlands og þar með gefið sínum þegnum tækifæri til að velja á milli námsleiða. Önnur sveitarfélög hafa ekki enn tekið þetta skref.
Í ár mun Tónsmiðja Suðurlands bjóða upp á nokkur ný námskeið. Tilurð þessara námskeiða byggir á óskum nemenda og annarra er áhuga hafa á tónlist.

Barnakór Tónsmiðjunnar
Í haust mun verða starfræktur barnakór fyrir börn 5-8 ára. Æft verður á laugardagsmorgnum kl. 11:00-11:55 og byrjar starfið 4. september nk. Efnisskráin mun samanstanda af barnvænum lögum og hreyfisöngvum er örva sönggleði og hvetja þátttakendur til aukinnar tónlistariðkunnar. Að sjálfsögðu mun námskeiðið enda með tónleikum. Stjórnendur eru Ingibjörg Erlingsdóttir og Stefán Þorleifsson

Blandaður kór fyrir fólk á öllum aldri
Vegna fjölda fyrirspurna hefur verið ákveðið að stofna nýjan kór fyrir fólk á öllum aldri. Um er að ræða blandaðan kór kynja SATB og eru allir velkomnir. Efnisskráin samanstendur af kórtónlist úr ýmsum áttum, klassísk sem og rytmísk, a-capella og með undirleik. Stjórnandi er Stefán Þorleifsson og veitir hann nánari upplýsingar í s. 615-2920

Samspil (bassi, gítar, hljómborð, trommur & söngur, o.fl. tilfallandi hljóðfæri)
Að loknum vel heppnuðum nemendatónleikum í lok síðasta skólaárs, voru kennarar, nemendur og aðstandendur sammála því að næsta skref Tónsmiðjunnar væri aukið samspil. Nemendur Tónsmiðjunnar munu fá aukið samspil í sínu námi en einnig verður boðið upp á það sérstaklega fyrir einstaklinga og/eða hljómsveitir. Kennarar eru Stefán Þorleifsson og Örn Eldjárn.
Af ofangreindu er ljóst að það verður sama stuðið í Tónsmiðju Suðurlands á komandi önn sem og endranær.
Skráning í námskeiðin er hafin.

Með brosi á vör
Ingibjörg Erlingsdóttir og Stefán Þorleifsson

Senda á Facebook

Nú er hægt að skrá sig fyrir komandi skólaár.
Ýmis spennandi námskeið í boði.

Senda á Facebook

Kristrún, Þuríður Marín og Margrét Harpa í góðum gír

Senda á Facebook

Þá er kennslu lokið þetta skólaár. Aðeins er eftir frágangur á húsnæði, kennslugögnum og senda út einkunnir þeirra er tóku próf.

Þökkum við nemendum okkar kærlega fyrir skemmtilegan vetur. Vonandi sjáumst við aftur í haust.

Gleðilegt sumar.
Kennarar Tónsmiðjunnar

Senda á Facebook

Laugardaginn 13. mars sl. var haldin uppskeruhátíð tónlistarskóla á öllu Íslandi.   

Í þessum hluta uppskeruhátíðarinnar héldu tónlistarskólar landshlutatónleika, þ.e. svæðisbundna tónleika á fjórum stöðum á landinu, og buðu landsmenn velkomna sér að kostnaðarlausu.  Að uppskeruhátíðinni standa Félag tónlistarskólakennara, Félag íslenskra hljómlistarmanna og Samtök tónlistarskólastjóra.

Tónsmiðja Suðurlands átti einn fulltrúa á þessum tónleikum, söngnemandann Kristrúnu Steingrímsdóttur.  Hún söng Vísur Vatnsenda-Rósu og fékk viðurkenningu fyrir. 

Eru forsvarsmenn Tónsmiðjunnar ánægðir með framlag hennar og betri auglýsingu fyrir metnaðarfullu starfi var ekki hægt að hugsa sér.

Senda á Facebook

Þessa dagana er verið að vinna úr aðsendum umsóknum og munu kennarar hafa samband við ykkur svo fljótt sem auðið er. Ekki örvænta

Senda á Facebook

Gunnar Jónsson trommuleikari hefur gengið til liðs við Tónsmiðju Suðurlands og mun sjá um trommukennslu nú frá áramótum.

Um leið og við bjóðum Gunnar velkominn viljum við þakka feðgunum Bassa og Labba fyrir þeirra starf hjá Tónsmiðju Suðurlands.

sþ

Senda á Facebook

Fyrsti kennsludagur á nýju ári er þriðjudagur 6. janúar.
Námskeið hefjast viku seinna.

Senda á Facebook